Përfundon takimi mes kryeministrave Edi Rama, Aleksandër Vuçiç dhe Zoran Zaev. Takimi u mbajt në Novi Sad të Serbisë. Në këtë takim u diskutua për “mini Shengenin” e Ballkanit.
Në konferencë e mori fjalën edhe kryeministri i vendit tonë Edi Rama, i cili lëshoi kritika ndaj Bashkimit Europian.
Rama tha se “vendet tona nuk janë një zonë e kategorisë së dytë e Ballkanit, as një fidanishte për të bërë eksperimente në pritje që familja evropinae të jetë gati dhe të na përqafojë e të na ulë në tavolinë”.
Deklarata
“Nuk na ka mbledhur këtu ndonjë kujdestar nga Brukseli apo nga vende mike jashtë nesh, por nevoja për të rritur ekonominë, ulur papunësinë, luftuar krimin e organizuar, emigracionin e paligjshëm, përmirësuar kushtet e jetesës së gjithë qytetarëve, rritur shpejtësinë e shkëmbimeve dhe garantuar në rajon katër liritë themelore të munguara sot e gjithë ditën.
E kemi bërë të qartë në deklaratë se nuk do të presim dhe rrimë në vend numëro në funksion të të çuarit përpara të të gjitha atyre pjesëve të planit të përbashkët të miratuar në kuadër të procesit të Berlinit që sot e kësaj ditë kanë mbetur në letër. Do bëjmë gjithçka që kjo të ndodh për të gjitha vendet e rajonit, jo thjeshtë për tre vende. Synimi jonë është të jemi pjesë e familjes së madhe të Europës së bashkuar, në një kohë që familja e madhe ka problemet e veta të brendshme, por ne nuk mund të jemi peng i tyre dhe që janë në dëm të fëmijëve tanë.
Vendet tona nuk janë një zonë e kategorisë së dytë e Ballkanit, as një fidanishte për të bërë eksperimente në pritje që familja evropinae të jetë gati dhe të na përqafojë e të na ulë në tavolinë. Të tashmen do e shohim si një kohë që duhet punuar.
Kemi rënë dakord që do takohemi në Ohër dhe që do të ftohen edhe vende të tjera.
Por edhe për një situatë e njohur e përsëritjes këtu e atje të na mbajnë peng.
Brenda vitit 2021 do të mundësohet lëvizja e lirë në këtë territor, ku të katër liritë të mos jenë aspirat por realitet, dhe liria e lëvizjes së të gjithëve të bëhet njësoj si ajo e vendeve të BE-së. Kush hyn në një nga vendet tona do të jetë në gjendje të lëvizë ngado që të vijë. Pa diskutim kjo është e dakordësuar dhe vullneti është i plotë për tu bërë. Ky është një moment kapërcimi historik. Se kur unë flisja për Shengenin dhe kufijtë e hapura ngriheshin hipoteza. Ja pra erdhi momenti, ku njerëzit të njihen me të”, tha Rama.
