Kozmologu Kanadezo-Amerikan, James Peebles dhe astronomët Zvicerianë, Michel Mayor dhe Didier Queloz fituan të martën çmimin Nobel të fizikës, për kërkimet që rrisin njohuritë e ekzistencës tonë në univers.
Peeblesi fitoi gjysmën e çmimit për “zbulimet teorike” që kanë kontribuar në njohuritë tona se si u zhvillua universi pas “Big Bangut,” tha sekretari i përgjithshëm i akademisë mbretërore Suedeze të shkencës, profesor Goran Hansson.
Ndërsa Mayor dhe Queloz ndanë gjysmën tjetër,për zbulimin e parë, në tetor 1995, të një planeti jashtë sistemit tonë diellor, një ekzo-planeti që sillet rreth një ylli, i ngjashëm me diellin tonë në rrugën e qumështit.
Zbulimet e tyre kanë ndryshuar konceptet tona për botën përgjithmonë” – tha juria.
“E Zhvilluar përgjatë 2 dekadave që në mes të viteve 1960 , struktura teorike e James Peebles është baza e ideve tona bashkëkohore për universin”. – shtoi më tej juria.
Peebles vazhdoi punën e bërë nga Albert Ajnshtajni në origjinën e universit, duke u kthyer pas në ‘’Millenia’’, menjëherë pas “Big Bangut” , kur rrezet e diellit filluan të lëshohen drejt hapësirës.
Duke përdorur përllogaritjet dhe mjetet teorike, ai krijoi një lidhje mes temperaturës së rrezatimit e çliruar pas “Big Bangut” dhe sasisë të materies që u krijua.
Puna e tij tregoi që materiet e njohura nga ne siç janë: Yjet, planetet dhe ne vetë përfshijnë vetëm 5% të universit, ndërsa 95% është përbërë nga materia e errët e panjohur dhe energjia e errët.
Në një intervistë me anë të telefonit , Zoti Peebles në lidhje me ato elemente, tha që mbetet një pyetje e hapur.
“Megjithëse teoria është e testuar më së miri, duhet të pranojmë që materia e errët dhe energjia e errët janë misterioze”. -tha ai.
Duke folur më vonë në Universitetin e Princetonit, ai shtoi që idetë e tij, nuk ishin përgjigja përfundimtare.
“Të jemi të sigurt që ndërsa zbulojmë aspekte të reja të zgjerimit dhe evoluimit të universit, ne do të habitemi dhe mrekullohemi përsëri,” përfundoi ai.
