Ermonela Jaho, sopranoja shqiptare me famë botërore, si gjithmonë ka rrëmmbyer edhe këtë herë duartrokitjet e forta e të gjata nga publiku spanjoll.
Jaho në veprën e fundit të mbajtur në teatrin e Barcelonës, në veprën e Puçinit, ka luajtur rolin e skllaves Liu. Performanca e sopranos shqiptare ka ngritur në këmbë të gjithë sallën, ku të ftuarit duartrokitën për plot nëntë minuta.
Ndësa kritikët pas performancës e kanë cilësuar Ermonelën si të vetmen që është në gjendje të emocionojë të pranishmit në sallë.
“Është më se e dukshme, se me vetëm dy masa, sopranoja shqiptare Ermonela Jaho është në gjendje të emocionojë të pranishmit në sallë. Ajo qëndron mbi të gjithë këngëtarët e tjerë, sidomos kur aftësitë muzikore i kombinohen me përbindëshin aktrues përbrenda saj. Ajo e kontrollon këtë përbindësh gjithë kohës për t’ia ofruar shikuesit në kontaktin e parë. Mision i përmbushur,” ka qenë kjo fjala e grupit kritik, pas premierës së veprës në teatrin “Liceu” në Barcelonë.
