Vettingu/ Kandidati për SPAK në KPK, prokurori që hetoi Fullanin, Kserën dhe vrasjen e Santos

Një nga kandidatët për SPAK, aktualisht prokuror në Prokurorinë e Tiranës është përballur sot me Komisionin e Pavarur të Kualifikimit. Ndini Tavani ballafaqohet në KPK në një seancë dëgjimore me provat e grumbulluara nga gjykata, ILDKPKI si dhe ato të depozituara prej tij.

Trupa gjykuese përbëhet nga Roland Ilia, Alma Faskaj dhe Brunilda Bekteshi.

Prokurori Ndini Tavani do të ballafaqohet në KPK për tri kriteret e vlerësimit, aftësinë profesionale, pastërtinë e figurës  dhe pasurinë.

Sipas KPK-së prokurori Ndini Tavani ka kryer deklarime periodike të pasurisë pa ndërprerje.

Po kështu gjatë seancës së KPK-së u tha se sipas ILDKPKI -së subjekti i rivlerësimit  ka kryer deklarim të saktë dhe në përputhje me ligjin, nuk ka kryer deklarim të rreme

Ndini Tavani ka apartament në Tiranë 4 milion e 500 mijë lekë dhe sipas saj burimi pasurisë janë pagat e tij dhe bashkëshortes, vërtetësia e deklarimit për këtë pasuri përputhet me deklarimet e subjektit.

Sipas KPK-së subjekti ka kryer deklarim të saktë edhe për burimin e pasurisë së tij një apartament dhe një automjet të cilat i ka grumbulluar gjatë kohës kur ushtronte profesionin e avokatit në vitet.

Pasuria e tij është një automjet tip, ‘citroen’ në vlerën 900 mijë lekë, blerë për nënën e tij, automjet tip benz 7 mij euro. Të ardhurat për blerjen e automjetit nga paga e tij dhe bashkëshortes
Automjeti është blerë në 2009 dhe është shitur në 2016.
Subjekti ka llogari në banka të nivelit të dytë, deklarimet e subjektit përputhen me dokumentacionet bankare.

LEXO EDHE  Humbën babain në aksident/ Fëmijët e Y.M fitojnë gjyqin me “Ansig” për dëmshpërblimin e plotë

Prindërit e subjektit kanë kryer transaksione në banka të nivelit të dytë në vlerën 13 mijë euro. Nga ana e tij Ndini Tavani  është shprehur se të ardhurat e prindërve janë krijuar nga aktiviteti farmaceutik veterinar.

Lidhur me kontrollin e figurës, DSIK ka konstatuar përshtatshmëri për të vijuar detyrën, ndërsa sipas komisionit prokurori është i papërshtatshëm për të vijuar detyrën, kjo lidhur për shpërdorimin e detyrës, për shkak të kontakteve me persona të dyshuar për krijimin e vlerës mashtruese me tatimet. Lidhur me kriterin e aftësisë profesionale , KPK është shprehur se nuk ka problematika përsa i përket etikës dhe aftësisë profesionale, komisioni verifikoi dosjen dhe rezultoi se për 3 dosje nuk ishte ushtruar ankim.

Tavani njihet si një nga prokurorët që ka hetuar dosjet më të “nxehta” të politikës shqiptare. Prokurori në fjalë ka hetuar ish-ministrin e Punës, Spiro Ksera, dosjen e arrestimit të ish-shefit të Krimeve të Rënda, Fatos Goxhajt si dhe ish-Guvernatorin e Bankës së Shqipërisë, Ardian Fullani për disa tendera.

Prokurori Tavani ka qenë edhe pjesë e grupit hetimor që ka ndjekur vrasjen e bankierit Artan Santo, ngjarje kjo ende e pazbardhur, ndonëse kanë kaluar 5 vite.