Kreu i opozitës Lulzim Basha, në një intervistë për News 24, ka deklaruar se protestat e opozitës do të vijojnë.
Ai theksoi se zgjidhja e krizës politike do të vijë vetëm më zgjidhje të lira dhe të ndershme.
“Opozita ëhstë në krye të detyrës, në një moment shumë kritik që po kalon vendi. Momenti kritik shihet tek shtëpitë e shqiptarëve, ku shumë prej tyre nuk mbyllin dot muajin. Këto janë pasojat e një shteti të kapur nga krimi. Shkaku i vërtetë i kësaj krize është asgjësimi i zgjedhjeve të lira dhe të ndershme. Protestat do të vazhdojnë si një mjet presioni për të zgjidfhur krizën e rëndë politike. Axhenda e protestave është në funksion të objektivave politike, nuk është se ato janë ndalur, protesta ka patur çdo ditë”, u shpreh Basha.
