Kreu i opozitës Lulzim Basha, ka qenë sërish i prerë sa i përket faktit se PD nuk do të hyjë në zgjedhje me Edi Ramën kryeministër.
I pyetur nëse ka përçarje mes tij PD dhe LSI sa i përket këtij qëndrimi, pasi e njëjta gjë se fundmi nuk po artikulohet nga Monika Kryemadhi, Basha theksoi se qëndrimi i opozitës së bashkuar është unison dhe nuk ka ndryshuar.
‘Detyra ime si kryetar i opozitës është të garantoj se shqiptarët do të votojnë të pandikuar nga krimi i organizuar, të arrijnë në qendrat e votimit pa u ndalur nga policia në postoblloqe, që mediat të jenë të lira. Opozita e bashkuar ka një platformë, dhe ne kemi propozuar një zgjidhje që është një qeveri tranzitore që garanton rregullat. Qeveria tranzitore është pa Edi Ramën, ky është vlerësimi ynë për ta çuar vendin në zgjedhje të lira dhe të ndershme. Opozita e bashkuar ka të njëjtin qëndrim, nuk ka asnjë ndryshim në propozimet tona’, tha Basha.