Me mbylljn e hetimve, rënodhen akuzat për Ismail Rebeshin, i etikuatuar si “bosi i drogës” në Viterbo nga mediat italiane.
Siç raportohet këtë të enjte, ndaj tij rëndon akuza për mashtrim, në bashkëpunim me partneren dhe motrën e kësaj të fundit. Sipas mediave italiane, 36-vjeçari me origjinë nga fshati Goriçan i Beratit, pronari i koncesionari makinash të dhe aktiv në fushën e biznesit të lokaleve të natës, dyshohet se ka kryer dy transaksione pasurie nga burgu, ku ndodhet që nga 25 janari, kur u arrestua në kuadër të operacionit të koduar “Erostrato”, të kordinuar nga Prokuroria e Antimafias së Romës.
Dhjetë të dyshuar janë akuzuar për krime në kuadër të grupit mafioz, si plagosje, kanosje, zhvatje, dëmtim prone e trafik droge. Ata janë Ismail Rebeshi dhe sipërmarrësi italian që operonte në fushën e argjendarisë Giuseppe Trovato, të cilët cilësohen nga hetuesit si drejtuesit e grupit kriminal. Të tjerët janë Sokol Dervishi, Gabriele Laezza, Spartak Patozi, Shkëlzen Patozi, Gazmir Gurguri, Luigi Forieri, Fouzia Oufir e Martina Guadagno.
Ndaj tre personave nuk rëndon akuza e pjesëmarrjes në grup mafioz, Pavel Ionel, Emanuele Erasmi dhe Manuel Pecci. Ersami dhe Pecci akuzohen për zhvatje. Ndërs Pavel Ionel për dëmtim prone. Ky i fundit, sipas hetuesve, krahu i djathtë i Rebeshit.
Transaksionet e pasurisë
Në vijim të hetimeve u zbulua se, ndërkohë që Rebeshi ishte në burg nga 8 maji deri në 7 qershor, në bashkëpunim me partneren e tij, Laura Jona Zaharia dhe partneren e vëllait të tij, Emanuela Hima, ka realizuar dy transaksione pasurie, për të shmangur pasojat e ligjit antimafia mbi pasuritë e paluajtshme, në kuadër të “kryerjes së aktivitetit në kuadër të organizatës mafioze”.
Konkretisht, ai akuzohet se në mënyrë fiktive i ka kaluar në pronësi shoqërinë “Bicu” me seli në Viterbo, dy femrave. Ndërsa partneres së tij, dyshohet se i kaluar po në pronësi në mënyrë fiktive shoqërinë “Le Bell, e destinuar të kujdeset për interesat e Rebeshit në sektorin e argëtimit të natës dhe shitjes së automjeteve.
Dy gratë, siç raportohet, do të procedohen veçmas.
Veprimet e dhunshme
Rebshi akuzohet se fshihet pas djegies së dy automjeteve të dy zyrtarëve të policisë italiane. Episodi i parë është shënuar në natën mes 18 dhe 19 Prillit 2017, ku mori flakë një “Audi A6”. Ndërsa episodi i dytë u shënua në natën mes 11 dhe më 12 qershor 2017 dhe mjeti i djegur ishte një “Passat”, i një kolegu të pronarit të “Audit”, që po hetonte çështjen e parë.
Në një tjetër episod të vitit 2017, Rebeshi kërcënon një konkurrent në biznes.
“Mbaji mend këto fjalët nga një shqiptar. Unë të *** by***”, është mesazhi që Rebeshi i dërgon një sipërmarrësi konkurrent, që kishte nënshkruar një kontratë për të organizuar netët e vallëzimit për rumunët në disko “Theatrò” në Viterbo.
Trafiku i drogës
Meidat italiane, duke cituar hetuesit, kanë raportuar për Rebeshin, si një figurë kryesore në trafikun e drogës në Viterbo. Sipas hetuesve italianë, Rebeshi ishte një ndër furnizuesit kryesore të kokainës dhe heroinës së një grupi sard.
“Edhe nën mbulimin e dy aktivitete në dukje të rregullta, duke qenë pronar dhe menaxher i klubit të natës ‘Shisha’ dhe një pikë makinash në Viterbo, ai ka mbajtur një rol udhëheqës në trafikun e drogës në Italinë qendrore”, bënë me dije karabinierët e Carbonia-s. “I lidhur të trafikantëve ndërkombëtarë shqiptarë, ai është akuzuar se i ka siguruar grupit sard 6 kilogramë kokainë dhe 1 kg e gjysmë heroinë, nga nëntori 2017 deri në shkurt 2018”, saktësuan hetuesit.
/Boldnews.al/
