Enton Palushi
Në parim nuk mund të them se është duke u luajtur ndonjë gjë nën tokë. Opozita shqiptare lexon atë që ka vendosur Bundestagu gjerman.
Kushtet që janë vendosur për të hapur negociatat. Nuk mund të them se ka tentativa për një marrëveshje të fshehtë, por për shkak se parlamenti gjerman ka vendosur një urdhër-rrëfyes, i cili është më i miri që i ka ardhur Shqipërisë për të dalë nga kriza, ata po përpiqen, opozita në radhë të parë po karikon bazën e saj se beteja e tyre me protesta ka dhënë fryte sepse është dëgjuar nga ndërkombëtarët.
Si hap i dytë, ata po thonë se nëse zbatojmë kushtet gjermane praktikisht shkojmë në zgjedhje të parakohshme.
Që të shkojmë tek konferenca e parë e pranimit që është hapi i parë i negociatave, ne duhet të miratojmë një reformë zgjedhore, e cila përfshin gjithë palët. Për të shkuar tek hapat e tjerë të negociatave është zbatimi i kësaj reforme, që do të thotë se reforma duhet zbatuar duke bërë zgjedhje me Kodin e Ri zgjedhor i miratuar nga të gjitha palët. Bazuar tek këto të dhëna, bazuar tek raporti i ODIHR që i cilëson zgjedhjet problematike po shkojmë drejt këtij hapi.
Megjithatë, ka shumë elementë që duhen trajtuar në ditët në vazhdim. Sinjali i parë u dha me praninë e opozitës në tryezën e reformës zgjedhore. Në këtë mënyrë, ata kanë treguar rrugën që duhet zgjidhur. Por, kemi prapë disa të panjohura që është qëndrimi që do të mbajë mazhoranca, e cila varet si do ta interpretojë këtë paketë-kushte që kanë vendosur ndërkombëtarët. Edhe një element tjetër është shtuar tani që është opinioni i Venecias, i cili për mua ka lënë të hapura disa dilema.
Mazhoranca po e servir këtë raport për të hedhur piketat se si do të veprojë drejtësia e re si Gjykata Kushtetuese nëse do të shqyrtojë ligjshmërinë e zgjedhjeve të 30 qershorit. Raporti pavarësisht se merret me mënyrën se si ka vepruar Presidenti, ai është një lajm i rëndësishëm për mënyrën se si shikohen zgjedhjet e 30 qershorit.
Shqipëria përjetoi disa zhvillime të vrullshme, njerëzit protestuan, kanë protestuan qytetarët, artistët, studentët. E gjitha kjo nuk na ka prodhuar ndonjë gjë të madhe. Nuk ka prodhuar forca të reja politike. Nuk ka prodhuar frymë të re politike. Kështu që Shqipëria duam apo sduam ne do të shkojë drejt një rrotacioni, do të ikë Edi Rama, do të vijë Lulzim Basha. Ama që të shkojmë drejt një rrotacioni të tillë jo vetëm Lulzim Basha duhet ta marrë përsipër bazën e këtij rrotacioni, por është e rëndësishme që ne ta decentralizojmë këtë lloj rrotacioni dhe pushtetin e ardhshëm.
