Të paktën tre njerëz u vranë dhe tre të tjerë u plagosën kur një tërmet i fortë shkundi ishujt Maluku në Lindjen e Indonezisë mbrëmjen e të mërkurës, raportuan mediat vendase.
Tërmeti ka qenë me magnitudë 6.5 i shkallës Rihter.
Të plagosurit po trajtohen në spitalet lokale dhe qendrat shëndetësore të komunitetit, tha Agus Wibowo, zëdhënës i Agjencisë Kombëtare të Menaxhimit të Fatkeqësive.
Shumë banorë u larguan në shtëpitë e të afërmve të tyre më të afërt. Tërmeti dëmtoi një numër të objekteve publike jetike siç janë urat dhe rrugët kryesore që çojnë në portet dhe ndërtesat e kampusit në disa universitete. Gjithashtu dëmtoi disa kisha dhe xhami rreth qytetit, tha Wibowo.
Ai ishte i përqendruar 40 kilometra (25 milje) në veri-pereëndim të Maluku dhe 10 km (6 milje) nën sipërfaqen e tokës, tha Agjensia e Meteorologjisë, Klimatologjisë dhe Gjeofizikës e vendit.
Lëkundjet e forta kanë vazhduar edhe më pas.
