Situatë të jashtëzakonshme e ka cilësuar Kryeministri Edi Rama, atë që po kalon vendi, si rezultat i tërmetit me magnitudë 5.8 të shkallës Rihter dhe me intensitet 7.5, që goditi Shqipërinë e mesme rreth orës 16:04.
Rama ka mbledhur qeverinë pak minuta para mesnatës, ku tha se e bëjmë këtë mbledhje të jashtëzakonshme, sepse u gjetëm në një situatë të jashtëzakonshme për shkak të një tërmeti që ka tronditur vendin dhe që ka alarmuar të gjithë njerëzit.
Kryeministri theksoi se fatmirësisht nuk ka asnjë viktimë dhe kjo është një arsye për të marrë frymë në mënyrë të lehtësuar.
“Ka pasur persona të plagosur dhe ata kanë marrë ndihmë mjekësore, urojmë që të gjithëve shërim të shpejtë. Do të jemi me kapacitet të plotë.
Dua të falënderoj jo formalisht, të gjithë trupën e bluzave të bardha dhe të gjithë trupën e kujdesit shëndetësor për organizmin e mirë për gjatë gjithë orëve pas ngjarjes”, tha Rama
