Rreth 113 banesa apo objekte të tjera janë dëmtuar si pasojë e lëkundjeve të tërmetit të djeshëm, në qarkun e Elbasanit.
Kryetari i Grupit Socialist, Taulant Balla, i shoqëruar nga deputeti Musa Ulqini dhe Kryetari i Bashkisë, Arif Tafani, ishin në disa prej familjeve banesat e të cilave janë dëmtuar dje.
Në Bashkinë Belsh janë raportuar më shumë banesa me dëmtime. Siaas Shtabit të Emergjencës janë 73 banesa me dëmtime në këtë bashki.
“Kryesisht banesat e dëmtuara janë ndërtime të vjetra, sepse në ndërtimet e reja nuk janë raportuar deri më tani dëme. Duhet të kuptojmë që goditjet e djeshme ishin të forta 5.8 shkalla Rihter herë 1.37 shkon afërsiaht 7.9 ballë.
Shumë pranë Shqipërisë pak vite më parë një tërmet i ngjashëm pati pasoja katastofike.
Por të gjithë e dimë që tërmetet janë fatkeqësi natyrore të paparashikueshme. Reagimi pas tyre është në dorën tonë”, tha kreu i deputetëve socialistë Taulant Balla.
Në total në qarkun e Elbasanit janë dëmtuar 5 pallate, 38 banesa, 1 urë dhe një gabinë elektrike.
Sipas të dhënave nga kontrollet e ushtruara nga grupet e punës rezulton se ka një bilanc në rritje të dëmeve në qarkun e Elbasanit.
Me përjashtim të një rasti në Belsh, nuk ka pasur raste të familjeve që të kalojnë natën jashtë. Por janë marrë masat që të përballohet një situatë e mundshme kur qytetarët do ta kërkojnë një gjë të tillë.
Në gatishmëri janë policia, spitalet, reparti zjarrfikës, emergjencat civile dhe institucione të rëndësishme.
