Ish-ministri i Brendshëm, Saimir Tahiri e cilësoi “estradë” vendimin e Gjykatës së Krimeve të Rënda, që dha 5 vite burg për Tahirin për shpërdorim detyre. Vendim, që e konvertoi në shërbim prove.
“Me sa kuptova, gjykata me tha se s’jam kriminel, s’jam trafikant, s’jam pjese e një grupi të strukturuar kriminal, por meqë disa kushërinj të mi kane përdorur emrin tim unë paskam shpërdoruar detyrën. As qesh as qaj dot””, tha Tahiri, i cili paralajmëroi një komunikim me gazetarët ditën e nesërme.
“Nesër ju ftoj të ndajmë bashkë ca mendime. Mu duk një gjë e tipit, jemi i pafajshëm po s’kemi këllqe ta themi”, tha më tej Tahiri, duke komentuare vendimin e gjykatës.
Se konsideroj fitore vendimin, tha ish-ministri. Tahiri paralajmëroi ankiminin e vendimit te gjykatës.
Prononcimin për gazetarët, ai e mbylli me një batutë: Më thanë që ke ca kushërinj që kanë emrin tënd kështu që ruani veten nga kushërinjtë.
