“Nuk pretendojmë ta zëvëndësojmë politikën por shpresojmë të gjejmë bashkëpunimin me të”, u shpreh Imzot Angelo Massafra, në fjalën e tij, gjatë prezantimit të projektit “Your Job” Shqipëri.
Ky projekt u prezantua nga Caritas-i Shqiptar në bashkëpunim me Caritas Austria dhe me financim të Agjensisë Austriake për Zhvillim.
Ky projekt ka për qellim formimin e të rinjve Shqiptarë duke i suportuar me trajnime të ndryshme por edhe me kurse profesionale, të gjitha bazuar në interesin e shprehur nga vetë të rinjtë.
500 të rinj nga Lezha dhe Kurbin-i do të kenë shancin të përfitojnë nga ky projekt.
“Projekti “Your Job” ju dedikohet të rinjve të cilët konsiderohen gjërësisht si e ardhmja por unë do të thoja se janë edhe e tashmja.
Papunësia midis të rinjve mbetet një plagë e madhe në Shqipëri.
Papa Francesko thotë, në fillim duhet të ushtrohet një presion që të krijohen mundësi. Pra, rinia vetë duhet të ngrejë zërin dhe të rrisë presionin ndaj shoqërisë për të mundësuar krijimin e hapësirave dhe mundësive.
Unë kam një thirrje për të rinjtë, kini kujdes nga çfarëdo llojë arratisje, keni detyrimin të bëheni pjesë e zhvillimit të vendit tuaj”, tha Imzot Angelo Massafra.
