Gjykata jep vendimin për Saimir Tahirin, nuk ka burg për ish-ministrin e Brendshëm

Gjykata e Krimeve të Rënda shpalli vendimin për ish-ministrin e Brendshëm, Saimir Tahiri. Gjykata ka rrëzuar akuzat për përfshirjen e Tahirit në trafikun e drogës, ndërsa ka klasifikuar akuzën, duke e dënuar ish-ministrin për shpërdorim detyre. Ai është dënuar me 5 vjet heqje lirie (me gjykim të shkurtuar dënimi ulet në 3.4 vite burgim), por vendimi u konvertua për 3 vite shpërdorim detyre.

Gjatë kësaj kohe, Tahiri duket të paraqitet në mënyrë periodike te shërbimi i provës dhe nuk duhet të kryejë vepër penale, ndryshe ndaj tij do të aplikohet vendimi me 5 vite burgim.

Gjykata vendosi gjithashtu që gjatë 5 viteve, Tahiri s’mund të mbajë poste publike.

Sipas ligjit, vendimi merr fuqi në momentin që do të jetë i formës së prerë.

Vetë ish-ministri, paralajmëroi në një prononconim për gazetarët pas vendimit të gjykatës, se do të apelojë vendimin.

Tahiri paralajmëron pasi i shpëtoi burgut: Nuk kishin këllqe, nesër do të..

Për ish-ministrin, prokuroria kërkoi 12 vite burgim. Sipas akuzës, Tahiri ka garantuar paprekshmërinë e grupit të Habilajve në trafikimin e sasive të mëdha të drogës drejt Italisë. Si Tahiri dhe avokati i tij kanë këmbëngulur në pafajësi duke u shprehur se prokuroria dështoi të ofronte një provë konkrete në mbështetje të akuzave të ngritura. Ish-ministri i Brendshëm u vu nën hetim nëntorin e vitit 2017, nën dyshimet se kishte lidhje me grupin e vëllezërve Habilaj, kushërinj të tij, të cilët ishin pjesë e një organizate italo-shqiptare e cila trafikonte marijuanë nga Shqipëria drejt Italisë. Hetimet nisën pasi autoritetet italiane goditën këtë organizatë në Catania, ndërsa në përgjimet e kryera, emri i Tahirit përmendej disa herë në bisedat mes trafikantëve. Prokuroria kërkoi me urgjencë arrestimin e Tahiri, por shumica e majtë, refuzoi kërkesën duke pretenduar se ajo nuk kishte paraqitur asnjë prove. Në maj të vitit të kaluar ish-ministri dha dorëheqjen nga mandati i deputetit. Menjëherë më pas prokuroria kërkoi sërish arrestimin e tij. Tahiri kaloi një periudhë të shkurtër në arrest shtëpie, derisa më pas Gjykata e Apelit lejoi hetimin e tij në gjendje të lirë, hetim i cili u mbyll shkurtin e kaluar.

LEXO EDHE  Arrest me burg për 3 banorë të Unazës së Re/ Përshkallëzim i protestave, ja çfarë vendimi pritet...