Një aksident i rëndë ka ndodhur në qendër të Beratit, në rrugën që të çon drejt Stadiumit “Tomorri”, shumë pranë Drejtorisë së Policisë.
Një motorr, duke ecur me shpejtësi në këtë rrugë, ka goditur një grua që sapo kishte dalë nga minimarketi dhe po kalonte rrugën.
43-vjeçarja M.Ç, banuese në Berat, por edhe drejtuesi i mjetit janë plagosur rëndë.
Menjëherë në vendngjarje kanë shkuar ekspertët e policisë së qarkullimit rrugor,të cilët pas kqyrjes së vendngjarjes kanë dalë në përfundimin se motorri ishte duke ecur me shpejtësi jashtë normave të lejuara në këtë zonë të banuar, ndërkohë që edhe gruaja ka kaluar rrugën pa parë.
Të dy të plagosurit janë dërguar në gjendje të rëndë dhe me fraktura në pjesë të ndryshme të trupit.
Drejtuesi i motorrit, J.Sh, 35-vjeç, banues në fshatin Molisht të Beratit, është i ndaluar në spital.