Ish-ministri për Kthim dhe Komuniteti në Qeverinë e Kosovës, Aleksander Jabllanovic, do të garojë në zgjedhjet e 6 tetorit me partinë e tij “Partia e Serbëve të Kosovës”.
Por, në listën për deputetë të partisë së tij, ai nuk ka nguruar që të përfshijë babain Dragan Jabllanovic dhe gruan e tij, Kristina Nikolcevic Jabllanovic, shkruan telegraf.rs.
Ato renditen përkatësisht në vendin e 2 dhe 6, ndërsa lista kryesohet nga Aleksander Jabllanovic.
Aleksander Jabllanovic në këto zgjedhje do të garojë i vetëm dhe i pavarur nga Lista Serbe, parti kjo që ndjek politikat e Beogradit në Republikën e Kosovës.
Jabllanovic ishte shkarkuar nga posti i ministrit për Kthim dhe Komunitete më 3 shkurt të vitit 2015 me vendim të kryeministrit të atëhershëm të Kosovës, Isa Mustafës.
