Rama nuk di të ndalet/ Ja si mashtron kryeministri me qendrat shëndetësore

Kryeministri Edi Rama nxitoi të shesë si investim të qeverisë shqiptare, ndërtimin e Poliklinikës Qendrore në Lushnje, duke harruar se shqiptarët nuk janë më të izoluar dhe se informacionet nuk janë më aq të vështira për tu marrë.

Qendra e madhe shëndetësore për të cilën mburret Rama se është një nga 300 qendrat që janë pjesë e Programit Kombëtar të Rilindjes, është një investim i bërë nga Ambasada Zvicerane në vendin tonë në kuadër të projektit HAP (Health for all Project), i cili ka nisur në Shqipëri në vitin 2015-të.

Ky projekt i ambasadës zvicerane përfshin hapjen e qendrave shëndetësore në qarqet Dibër dhe Fier, por mesa duket kryeministri tani ka filluar që edhe investimet e ndërkombëtareve i sheh si investimet e qeverisë së tij private.

LEXO EDHE  Shqipëria shkon në zgjedhje të parakohshme/ Analisti zbulon skenarin

Ja mashtrimi i Ramës:

SE SHPEJTI… çel dyert Poliklinika Qendrore e Lushnjës, pjesë e Programit Kombëtar 300 Qendra Shëndetësore Bashkëkohore😊

Patjetër që shëndetësia ka ende shumë nevoja, po kush thotë se ishte më mirë kur ishte më keq, duhet të kujdeset më shumë për kujtesën😉

80 qendra shëndetësore të reja vjet, 100 deri në fund të këtij viti dhe 120 të tjera vitin e ardhshëm, nuk janë asnjë mrekulli, por ama janë një ndryshim dita me natën, krahasuar nga gjendja e luftës prej ku u nisëm👍