Dëshmoi emrat e vrasësve, gjykata lë në burg Lorenc Veliajn

Indrit Çelaj

27-vjeçari Lorenc Veliaj, dëshmia e të cilit zbuloi autorin e vrasjes së Indrit Celaj për rrjedhjen e ujit të kondicionerit që po riparonte në vilën e Bujar Kusit, do të qendrojë në qeli. Kështu vendosi sot gjykata e Tiranës, në pëputhje me kërkesën e prokurorisë.

Gjykata e Tiranës vendosi arrest me burg për Veliajn, i cili akuzohet për kundërshtim i punonjësit të policisë, prodhimi dhe mbajtja pa leje e armëve luftarake dhe municionit si dhe shkatërrim prone. Lorenc Veliaj u arrestua pas ngjarjes së ndodhur në rrugën Muhamet Gjollesha në Tiranë, ku u vra me plumb në kokë 26 -vjeçari Indrit Çelaj.

LEXO EDHE  Zot na ruaj/ Tjetër tërmet i fortë në Tiranë

Fillimisht Veliaj u shoqërua si person i dyshuar për krimin, edhe pse kërkohej nga policia për 3 vepra penale. Dëshmia e Veliajt nxori edhe emrat e autorëve të vrasjes, dy vëllezërit Albano dhe Griseldo Kusi.

Indrit Çelaj, teknik për montimin dhe riparimin e kondicionerëve, humbi jetën pasi u qëllua me një plumb pistolete në kokë nga djemtë e pronarit të ndërtesës ku ai po punonte. Plagosja ndodhi dy ditë më parë në rrugën “Muhamet Gjollesha” në Tiranë, ndërsa Çelaj ndërroi jetë dje në Spitalin e Traumës.