Thuhet se tek një femër floku është gjysma e bukurisë. Flokët e gjatë dhe voluminozë bien gjithmonë në sy dhe tërheqin vëmendje. Por shpesh gjatë verës harrojmë t’i trajtojmë flokët,dhe dielli i dobëson ata.
Si të rigjenerojmë flokët pa pasur nevojë të harxhojmë pafund për maska?
Ndoshta keni dëgjuar edhe më parë për hithrën.Hithra është një bimë e njohur për vetitë e saj kuruese, pasi është e pasur me kalcium, hekur, kalium, bakër. Dhe përveç vetive kuruese për trupin, hithra mund të bëjë mrekulli me flokët tuaj.
Merrni një sasi të gjetheve të hithrës. Vendosini ato në një filxhan me ujë të nxehtë. Uji duhet të ketë një temperaturë të lartë, aq sa t’i bëjë gjethet e hithrës të nxjerrin të gjithë ngjyrën.Pasi të keni përfunduar këtë proçes, nxirrini gjethet nga uji dhe lëreni lëngun deri sa të bëhet i vakët.E ndërkohë që lëngu ftohet ju mund të lani flokët, në mënyrë që lëngun e hithrave ta përdorni pas larjes. Aplikojeni atë dy herë ne javë dhe shumë shpejt do të shihni një rezultat befasues, flokë të rigjeneruar dhe të shëndetshëm.
