Partia Demokratike pritet të shpalosë në shtator platformën kombëtare për t’i dhënë fund krizës politike, ekonomike dhe sociale në vend.
Pas takimit me Ambasadorin e ri të Gjermanisë, Basha deklaroi për mediat se përmes kësaj platforme do të nxirren jashtë zyrave të shtetit kriminelët, por edhe nga ekonomia.
“Do shpalosim platformën e masave për Shqipërinë si gjithë Evropa, si ofertë e plan kombëtar për të mos humbur më shumë kohë dhe mundësi të çmuara duke mbyllur përsëri derën e Evropës për Shqipërinë, duke e futur ekonominë në krizë më të thellë, por për ti dhënë fund krizës politike, për të nxjerrë kriminelët nga institucionet, bashkitë, qeveria, parlamenti dhe për ti cuar para drejtësisë.
Disa masa, një pjesë i kam bërë publike edhe në bashkëbisedimet e fundit dhe do ti nënshtrohen një debati të gjerë kombëtar me të gjithë faktorët e interesuar politike, shoqëror ekonomik, përfshirë intelektualët, mediat dhe botën ekonomike”, tha Basha.