Pak kohë më parë u tha se djali 30-vjeçar i organizatorit të terrorit, Osama bin Laden, ka vdekur.
Zyrtarët nuk kishin konfirmuar sesi ose ku vdiq ai ose nëse qeveria amerikane luajti ndonjë rol në vdekjen e tij. Departamenti i Shtetit po ofronte të paguante deri në 1 milion dollarë për informacione që çojnë në vendndodhjen e tij.
Së fundmi është konfirmuar zyrtarisht se Hamza bin Laden djali i themeluesit të grupit, Al-Kaida, Osama bin Laden, ka vdekur dhe një lajm I tillë është konfirmuar nga Sekretari amerikan i Mbrojtjes, Mark Esper.
“Kështu kam kuptuar unë”, ka thënë Esper në një intervistë për Fox News, kur është pyetur nëse Hamza Bin Laden është i vdekur, transmeton agjencia e lajmeve, AFP.
“Nuk kam detaje për këtë rast. Edhe nëse do të kisha, nuk jam i sigurt nëse do të mund t’i ndaja me ju”, ka shtuar ai.
Mirëpo presidenti amerikan, Donald Trump dhe zyrtarë tjerë të lartë kanë refuzuar të konfirmojnë apo mohojnë një gjë të tillë publikisht.
“Nuk dua të komentojë këtë gjë”, ka thënë Trump kur është pyetur nga gazetarët.
Hamza bin Laden dukej se ishte një trashëgimtar i operacioneve të plakut bin Laden, dhe Departamenti i Shtetit e ka përshkruar atë si një “udhëheqës në zhvillim të al Qaeda” i cili “ka kërcënuar sulme kundër Shteteve të Bashkuara dhe aleatëve.” Deklarata e tij e fundit e njohur publike u lëshua nga grupi terrorist në vitin 2018, duke kërcënuar Arabinë Saudite dhe duke bërë thirrje që populli i Gadishullit Arabik të rebelohet.
Në deklaratën që ofron shpërblimin prej 1 milion dollarësh, SH.B.A. tha se që nga vdekja e babait të tij, Hamza bin Laden ka bërë thirrje për sulme hakmarrëse. “Ai ka lëshuar mesazhe audio dhe video në internet, duke u bërë thirrje ndjekësve të tij të fillojnë sulme kundër Shteteve të Bashkuara dhe aleatëve të saj perëndimorë, dhe ai ka kërcënuar sulme kundër Shteteve të Bashkuara në shenjë hakmarrjeje për vrasjen e majit të 2011 të babait të tij nga ushtria amerikane, “ thuhet në deklaratë.
Osama bin Laden u vra në vitin 2011 gjatë një sulmi amerikan në kompleksin ku po fshihej në Abbottabad, Pakistan. Dokumentet e marra nga kompleksi treguan se plaku bin Laden po vëzhgonte Hamza bin Ladenin për t’u bërë një udhëheqës i Al Kaedës. Hamza bin Laden është martuar me vajzën e Mohamed Atta, rrëmbyesit kryesor në sulmet e 11 shtatorit 2001 që vranë gati 3.000 njerëz.
