Katër persona kanë vdekur ndërsa së paku nëntë të tjerë janë plagosur pasi janë sulmuar në një spital psikiatrik në Bukuresht të Rumanisë.
Një burrë i moshës 38 vjeçe, i cili ishte pranuar para tre dite në klinikën psikiatrike në Sapoca të Bukureshtit, sot rreth orës 03:00 të mëngjesit, me mbajtësen e infuzioneve ka sulmuar fillimisht pacientët në dhomën e tij duke kaluar pastaj në repartin e femrave.
Tre prej viktimave kanë ndërruar jetë në vendngjarje ndërsa viktima e katërt ka ndërruar jetë në spital. Raportohet se nga nëntë personat e plagosur, dy janë në komë.
“Gjithçka ka ndodhur në më pak se një minutë,” tha drejtoresha e spitalit Viorica Mihalascu.