Kinematografia shqiptare u trondit sot nga një lajm tepër i hidhur, ku regjisori Gjergj Xhuvani ndërroi jetë në moshën 55 vjeçare si pasojë e një ataku kardiak.
Presidenti Meta nëpërmjet një statusi në ‘facebook’ ka shprehur ngushëllimet e tij për familjen dhe miqtë.
Statusi i Metës
Me hidhërim të thellë mësova për ndarjen sot nga jeta të Gjergj Xhuvanit!
Ikja kaq e parakohshme e këtij regjisori të shquar, skenaristi e producenti të spikatur, i cili shkëlqeu përmes punës së palodhur krijuese dhe modestisë fisnike, është një humbje e madhe për artin dhe kinematografinë shqiptare, që Ai i dha një dimension të shquar edhe ndërkombëtar.
I shpreh familjes, miqve e bashkëpuntorëve të tij ngushëllimet më të thella e të sinqerta për humbjen e të dashurit të tyre!
Gjergj Xhuvani na la pas një trashëgimi të jashtëzakonshme artistike, që nderohet me respekt nga të gjithë e do të mbahet mend gjithmonë.
I përjetshëm kujtimi i Tij!