Kryeministri Edi Rama ka reaguar pas publikimit nga PD, të dosjes së dënimit në Itali për kryebashkiakun e PS në Shkodër të dalë nga votimet e 30 qershorit, Valdrin Pjetri.
Publikohet dosja/ Valdrin Pjetri i dënuar me 18 muaj burg për shpërndarje droge (FOTO)
Rama shprehet se deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht.
“Jo Valdrini, po vëllai im të jetë, s’ka shans të hedhë asnjë hije dyshimi mbi PS dhe mbi mua, në raport me ligjin e me besnikërinë ndaj popullit! Përgjegjësia për çdo akt individual të padenjë është individuale. Përgjegjësia jonë është si reagojmë ndaj një akti të padenjë individual! I edukuar, i zoti, i respektuar familjarisht në Shkodër e kudo ka punuar, po kjo s’mjafton më! Kurrë s’kam menduar se Valdrini mund të fshehë të vërtetën në raport me ligjin, po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht”, shkruan Rama në një postim në Twitter.
Kreu i qeverisë lëshon edhe një paralajmërin edhe për të tijtë.
“E me këtë rast, të tërë ta fusin mirë në kokë: Unë s’kam ndërmend të toleroj askënd dhe as të marr përsipër raportin individual me ligjin të askujt! Shkoj në luftë për çdo ide, qëllim a shok armësh, po kosto veprimesh individuale të dyshuara si ky, as marr më, as lejoj më t’i marrë PS”!
Lexo edhe: PD publikoi dosjen e dënimit, reagon Valdrin Pjetri/ Pres vendimin nga …