Valdrin Pjetri, kryebashkiaku i Shkodrës, i dalë nga votimet e 30 qershorit, ka reaguar pas publikimit të dosjes nga Partia Demokratike, sipas të cilës ai ishte i dënuar me 18 muaj burg dhe 1 mijë euro gjobë për trafik droge.
“Unë të vërtetën time e deklarova para kandidimit si dhe para pak ditësh me dokumenta zyrtare.
E vetmja e vërtetë është ajo që del nga zyrat e agjensive të zbatimit të ligjit dhe jo nga foltoret e PD.
Pres me padurim vendimin e përfundimit të procesit të verifikimit të figurës nga ana e autoriteve zyrtare shqiptare dhe italiane”, shkruan Pjetri.
Ndërkohë, Partia Socialiste përmes Taulant Ballës, ndërsa i ka cilësuar dokumentet e publikuara si joligjore, tha se nuk përjashtohet apriori as pafajësia dhe as fajësia e Pjetrit.