Ish-ministri i Drejtësisë, Ylli Manjani, i është rikthyer edhe njëherë idesë së kufizimit me ligj të mandatit të politikanëve. Manjani shkruan në një postim në rrjet se në Kushtetutë duhet t’a shkruajmë se “asnjë nuk mund të marrë më shumë se dy mandate të njëpasnjëshme mandatin e Kryeministrit”.
Sipas tij, nuk ka asnjë kuptim që dikush të qelbet në pushtet.
Postimi i Ylli Manjanit
Mbetem ende mbështetës i kufizimit të mandatit për çdo politikan. Ndaj duhet ta shkruajmë në Kushtetutë që:
Ansjë nuk mund të marrë më shumë se dy mandate të njëpasnjëshme mandatin e Kryeministrit.
Këtë çështje zakonisht e trajton morali, por meqë ky na la shëndenë duhen fiksuar në ligj.
Nuk ka asnjë kuptim që dikush të qelbet në pushtet! Le pastaj të mendosh sa mashtrime e makinacione blhen për mbajtë e pushtetin në kushtet e konsumit të tejskajshëm.
Edhe Amerikanët, që i duam shumë, e kanë këtë kufizim. Po të mos e kishin Bill Klinton do ishte ende President…
Por mbipushteti i qelb politikanët dhe infekton gjithë vendin.
