Rradhë të gjata automjetesh në kufirin mes Greqisë dhe Shqipërisë. Me qindra automjete prej disa orësh janë vendosur në rradhë për të kaluar kufirin nga Greqia në drejtim të Shqipërisë, ndërsa vargu i tyre arrin në 5 km.
Situata është mjaft e rënduar në Pikën e kalimit Kufitar të Kakavijës, e cila ka edhe fluksin më të madh të lëvizjeve mes Shqipërisë dhe Greqisë, dhe anasjelltas.
Dogana greke nuk po punon me kapacitet të plotë, çka duket se ka shkaktuar vonesa të shumta te qytetarët shqiptarë që kanë zgjedhur të kalojnë pushimet në Shqipëri, apo tea ta shqiptarë që kishin zgjedhur të bënin pushime në Greqi.
Nuk ka raportime nëse autoritetet shqiptarë kanë kontaktuar homologët e tyre grekë për të zgjidhur këtë situatë, e cila është torturuese për mijëra shqiptarë, përfshi këtu fëmijë dhe të moshuar.
Nga raportimet mësohet se situata e rënduar është prej orëve të para të mëngjesit të sotëm, ndërsa duket se problemet e vërejtura edhe vitet e mëparshme do të vijojnë.
