Vladimir Putin, Presidenti i Rusisë, ka 20 vjet në pushtet. Media shqiptare, të afërta me Qeverinë Rama, i kanë kushtuar vëmendje 20 vjetorit të Putin në pushtet, që karrierën e nisi në 1999, kur Presidenti i atëhershëm i Rusisë, Boris Yeltsin, emëroi kryeministrin e tij të katërt në më pak se 18 muaj.
Ai ishte Vladimir Putin, asokohe një shef i shërbimeve sekrete pak i njohur, pa asnjë eksperiencë në politikë.
Jeltsini në largim e sipër, po kërkonte një pasues dhe pak kush mund ta kishte parashikuar asokohe se edhe dy dekada më vonë, Putini do të vazhdonte të drejtonte Rusinë, duke marrë edhe një rol dominues në çështjet botërore, raportonte TCH.
Analistët thonë se ka pak gjasa që lideri më jetëgjatë i rusisë që nga koha e stalinit të heqë dorë tërësisht nga pushteti kur mandati i tij të përfundojë në 2024.
Pas 20 vitesh në pushtet, ai nuk njeh thuajse asnjë kufi, ai është praktikisht një sulltan.
E ndërkohë në Shqipëri, Edi Rama e ka nisur karrierën politike në 1998, kur u emërua nga Fatos Nano si ministër i Kulturës. Dy vjet më pas, PS i besoi garën e kryebashkiakut të Tiranës, të cilën Rama e drejtoi për 11 vjet me rradhë.
Dy vjet më pas, me ndihmën edhe të mikut, armikut kundërshtarit dhe aleatit, Ilir Meta, Rama fitoi zgjedhjet e përgjithshme dhe prej 6 vitesh mban postin e Kryeministrit.
Në total, si ministër i Kulturës, Kryebashkiak, lider i opozitës dhe Kryeministër, Edi Rama ka 21 vjet në pushtet, 1 vit më shumë se Vladimir Putin.