Pas dorezimit të kërkeses në KQZ për regjistrim në zgjedhjet e 13 tetorit, sekretari i përgjithshëm i LSI, Endrit Brahimllari u shpreh se anëtarët e KQZ duhet të zbatojnë dekretin e presidentit për zgjedhjet e 13, pasi ndryshe do të mbajnë përgjegjësi penale.
Brahimllari: “Zgjedhjet janë më 13 tetor, ka një dekret të Presidentit të Republikës dhe zgjedhjet janë të detyrueshme për të gjithë. Kush nga kamikazët e rilindjes në KQZ nuk respekton dekretin e Presidentit, nuk respekton Kushtetutën dhe ligjet e Republikës së Shqipërisë do të mbajë përgjegjësitë e veta penale. Mesa duket këto i kanë marrë parasysh të bëhen kamikaz të Edi Ramës dhe të rilindjes dhe t’i mbajnë vetë përgjegjësitë që do të kenë në të ardhmen”
