Sot, është konstituuar Këshilli Bashkiak i Delvinës dhe është betuar kryebashkiakja e dalë nga votimet e 30 qershorit, Majlinda Qilimi. Ceremonia është zhvilluar në ambientet e bashkisë, pasi kryebashkiaku Rigels Balili nuk u paraqit në zyrë duke shmangur çdo incident të mundshëm.
Balili u zgjodh në krye të Bashkisë së Delvinës 4 vite më parë, si përfaqësues i Lëvizjes Socialiste për Integrim. Ai njihet nga të gjithë si nipi i Klement Balilit “Eskobarit të Ballkanit”.
