Katër automjete janë përfshirë në një aksident në aksin Milot-Rrëshen. Aksidenti ka ndodhur në orët e mbëmjes së të shtunës.
Raportohet se si pasojë kanë mbetur të dëmtuar dy shtetas, që ishin pasagjerë në dy prej mjeteve.
Në aksin rrugor Milot-Rrëshen, në fshatin Munaz, janë përfshirë në aksident automobilistik mjeti me drejtues shtetasin F.T., banues në Suedi, mjeti me drejtues shtetasin L.Z., banues në Prishtinë, mjeti me drejtues shtetasin A.Z., banues në Suedi dhe mjeti me drejtues shtetasin L.G.,banues në Zvicër, raporton TCH.
Si pasojë kanë marrë dëmtime dhe janë transportuar në spitalin e Rreshenit, jashtë rrezikut për jetën shtetaset T.B., banuese në Kosovë dhe H.M.,banuese në Serbi ,të cilat ndodheshin si pasagjere në mjetet me drejtues L.Z.dhe L.G
Grupi hetimor vazhdon veprimet në vendngjarje për sqarimin e rrethanave të ngjarjes.
