Tre lëkundje tërmeti me magnitudë të vogël janë regjistruar në territorin shqiptar gjatë ditës së shtunë.
Sikundër bën të ditur Instituti i Gjeoshkencave, Energjisë, Ujit dhe Mjedisit tërmetet janë regjistruar në Korçë, Vlorë dhe Peshkopi.
Lëkundja e parë sizmike është regjistruar në Dardhë (Korçë) me magnitudë 1.8 të shkallës Rihter.
Ndërkohë lëkundjet e tjera janë regjistruar në Borsh (Vlorë) dhe Peshkopi, përkatësisht me magnituda 2.9 dhe 2.4 të shkallës Rihter.
Sizmologët i cilësojnë si krejt normale lëkundjet me magnituda të tilla.
