Meta ka bërë gabim?Të shkojmë në zgjedhje 13 tetor/ Presidenti: Mua t’më zëvendësojë dikush që ‘s’ha presionin’ siç është…

Presidenti Ilir Meta, ka dalë në një konferencë për shtyp, ku ka deklaruar se në datë 13 Tetor do të zhvillohen zgjedhjet lokale. Meta i qëndron kësaj date, edhe pse asnjë parti politike nuk ka deklaruar pjesëmarrje në këto zgjedhje të dekretuara nga Meta.

Presidenti u shpreh se në të njëjtën ditë, do të ishte e përshtatshme të zhvillohen edhe zgjedhjet parlamentare, madje të zgjidhet edhe Presidenti i Republikës, duke qenë se PS ka shprehur dyshime lidhur me mandatin e presidentit.

“Në mendjen time ekziston vetëm një datë, 18 Tetori. Është një datë që nuk e vendos unë, por e kanë vendosur të tjerë. Ajo që kemi vendosur bashkë, është që Shqipëria të bëhet si gjithë Europa.

Zgjedhejt e ligjshme shtetërore, kushtetuese janë në 13 Tetor.

Arsyet përse kam dekretuar këtë datë, ju i dini, ishte data më e afërt, duke respektuar të gjtihë procedurat Kushtetuese dhe ligjore, që mund të garantonte përfshirjen e të gjtihë forcave opozitare që do të donin të merrnin pjesënë zgjedhje.

LEXO EDHE  “Zgjedhjet e parakohshme, kusht jo vetëm i Bundestagut” / Paloka: Ja çfarë ndodh pas 15 marsit

Të votojnë për pushtetin vendor, për Kuvendin e Shqipërisë, i cili nuk mendoj se është në situatë normale, njëkohësisht edhe për Presidentin e Republikës, duke qenë se ka disa pretendime nga Partia Socialiste, e cila ka qenë mbështetësja e kandidimit tim.

13 Tetori është një ditë e pashmangshme nga pikëpamje Kushtetuese dhe ligjore”.

Ai gjithashtu shtoi se ‘nëse shqiptarët mendojnë se Presidenti ka gabuar, le të hyjmë në zgjedhje presidenciale dhe ndërkohë, Presidentin ta zëvëndësojë dikush që ia di mirë përgjegjësitë dhe seriozitetin këtij institucioni, siç është profesori Rexhep Mejdani’ u shpreh Meta.