Dhjetëra të vrarë nga sulmi në një paradë ushtarake

Së paku 32 njerëz u vranë nga një sulm që kryen rebelët Huthi në një paradë ushtarake të Jemenit.

Parada në qytetin port Aden u sulmua me raketa dhe dron, raportoi një kanal televiziv i udhëhequr nga rebelët.

Në Aden ndodhet Qeveria e Jemenit, e njohur ndërkombëtarisht.

Rebelët Huthi thanë se parada ushtarake ka qenë pjesë e përgatitjeve të forcave pro-qevritare për sulme të reja në territorin e kontrolluar nga ta, në veri të Adenit.

Por, sipas qeverisë, ajo ishte një ceremoni diplomimi për ushtarët e rinj.

Luftimet në Jemen kanë nisur në vitin 2014, kur lëvizja shiite Huthi ka marrë nën kontroll një pjesë të madhe të territorit, duke e detyruar presidentin Abdrabbuh Mansour Hadi të mërgojë.

LEXO EDHE  Studentja 24-vjeçare gjen vdekjen nga kequshqyerja, peshonte 22 kg! Shpenzonte gjithçka për të kuruar vëllanë

Konflikti është përshkallëzuar në mënyrë dramatike në mars të vitit 2015, kur Arabia Saudite dhe tetë vende të tjera sunite arabe – të mbështetura nga SHBA-ja, Britania e Madhe dhe Franca – kanë filluar sulmet ajrore kundër rebelëve Huthi, me qëllim, siç është thënë, rikthimin e qeverisë së presidentit Hadi.

OKB-ja thotë se mbi 7,000 civilë janë vrarë që nga fillimi i konfliktit.