Një tjetër lëkundje e fuqishme është ndjerë sot në Greqi.
Një tërmet prej 3.9 ballë në shkallën Rihter u shënua sot në mëngjes në orën 05:02 në zonën detare në perëndim të Zakynthos, ku jo pak shqiptarë e zgjedhin për të kaluar pushimet verore.
Tërmeti kishte një thellësi fokale prej 13.3 kilometrash. Epiqendra ishte 33 km nga qyteti i Zakynthos.
Nuk raportohen dëme apo të lënduar.
Kujtojmë se më 19 Korrik, një tërmet 5.1 ballë, goditi Athinën, duke sjellë dëme materiale.