KPA vendos të shkarkojë nga detyra Kryetarin e Gjykatës së Lartë Xhezair Zaganjori. Gjatë shpalljes së vendimit, Zaganjori nuk ishte i pranishëm. Sipas kolgjit, Zaganjori ka qenë i pasaktë në deklarimin e pasurisë.
Sipas kolegjit, Zaganjori nuk mbulon pasurinë me të ardhura të ligjshme.
Trupi gjykues tha se Zaganjori nuk arriti të vërtetojë burimet e parave dhe të pasurive të regjistruara në emër të tij. Ka kryer shkollimin e fëmijëve dhe nuk arrin të vërtetojë burimet e ligjshme për shpenzimet e tyre. Po kështu edhe shpenzimet vjetore sipas gjykatës nuk vërtetohen se mbulohen.
Ndaj tij janë zhvilluar disa seanca gjyqësore.
Vendimi i KPK-së u ankimua nga Komisioneri Publik. Ankimimi u morn ë shqyrtim në seancë gjyqësore publike dhe palët paraqitën provat. Më herët Zhaganjori u shpreh se ka paraqitur prova dhe se në dorë e ka vetëm trupa gjyqësore se si do të vendos.
Kolegji pasi shqyrtoi çështjen në tërësi e konsideroi të përfunduar atë. Sipas relatores, KPK vendosi konfirimin në detyrë. Mbi këtë vendim bëri ankim Komisioneri Publik që kërkoi ndryshimin e vendimit.
Komisioneri pretendon se provat e paraqitura prej Zaganjorit nuk krijojnë bindjen se janë të plota.
KPA jep argumente para se të shpall vendimin. Referuar deklaratës fillestare te pasurisë 2013 dhe 2017, subjekti është i pasakatë.
Në vitin 2006 ka deklaruar tërheqje nga banka një shumë parash. Ka deklaruar shuma të ndryshme.
Kryetari i Gjykatës së Lartë zotëron një pasuri familjare me vlerë rreth 58.7 milionë lekë, ndërkohë që të ardhurat ndër vite llogariten në 99.7 milionë lekë.
Relatorja e çështjes Pamela Qirko tha se sipas ILDKPKI, Zaganjori rezulton i pastër dhe pa probleme me pasurinë, por ka kryer deklarim të pasaktë për apartamentin në Tiranë dhe një dyqan. Sipas KPK, ai ka shmangur detyrimet tatimore ndaj shtetit, duke gënjyer për vlerën e pronave. Deklaratat e Zaganjorit për pasuritë janë kontradiktore, pasi vlera e pronës së regjistruar në hipotekë, nuk korrespondon me atë reale.
“Zaganjori ka apartament 293 m² ne Tirane, blerë në 2001 dhe ka një apartament 81 m² në Durrës. Për apartamentin në Tiranë ka të dhëna kontradiktore, pasi ka kryer deklarim të pasaktë. Për dyqanin me sipërfaqe 70 m2 ka shmangie të detyrimeve tatimore. Subjekti ka deklaruar ne Vetting se është blerë per 1.4 mln leke me të ardhura personale dhe nga qiraja. Kjo pasuri është deklaruar edhe ne 2003 si biblioteke për 1.8 mln leke. Lidhur me apartamentin me sipërfaqe 293 m2, hipoteka ka sjellë kontratën se është blerë për 500 mijë lekë. Zaganjori e ka deklaruar 5.2 milionë lekë njëherë dhe më pas 7 mln lekë e me sipërfaqe 200 m2. Për këtë pronë ka të dhëna të pasakta. Zaganjori ka bërë deklarim të pasaktë, fiktiv, ka shmangie të detyrimeve në buxhetin e shtetit. ”- thuhet në raportin e KPK.
