Koncerti i Fjolla Morinës në Skënderaj të Kosovës nxiti mjaft debate. Në një publik me fëmijë, Fjolla kishte zgjedhur të vishej e papërshtatshme, me një body që i nxirrte në pah të gjitha asetet (Lexo këtu).
Mediat rozë, por jo vetëm, kritikuan paraqitjen e saj të pavend. Përveç kësaj, një reagim i deputetit Milaim Zeka, ka nxitur debate me këngëtaren Fjolla Morina.Një shkrim i Milaim Zekës në rrjete sociale rreth koncertit të shumëpërfolur këto dy ditë ka nxitur këngëtaren që t’i përvishet keq deputetit.
“Sa shume ka “arriteë” Drenica?!!!Disa namuzeli, që 1000 të zeza i kanë ba dhe i bajnë, më kanë kritiku se gjoja unë përdori fjalor banal. Shiheni këtë foto nga koncerti në Skënderaj, edhe hajde më thoni se a ke çarë pa … E kush e ka organizu këtë koncert edhe kush i ka ftu?!!!”- shkruan Milaim Zeka.
Fill pas këtij postimi ka reaguar Fjolla Morina në një prononcim për gazeta Express, e cila e ka bërë Milaim Zekën të pendohet për fjalët e thëna.
“Tregoi Milaim Zekës që Drenica ka ecë përpara. Jam vesh sikur këngëtaret e huaja që kanë ardhë në Kosovë. Drenicasit janë burra dhe janë njësha. Me ardhë Niki Minaj bohet nami këtu. Ecni përpara or burrë se këto sene nuk na kanë lan neve me jetu. Fmitë i kanë lanë përpara,”- është shprehur Fjolla Morina.
Gjithashtu e kontaktuar nga lajmi.net Fjolla Morina ka shtuar: “Milaim e di që ti shumë kishe pas qef me kon aty se tu kish rrit ymri njo 10 vjet ma shumë, po nuk tu jep ajo knaqësi”.
Pas këtyre komenteve nga ana e këngëtares, Milaim Zeka ka bërë një reagim të gjatë për lajmi.net, në të cilin shpjegon se nuk kishte asgjë me Fjolla Morinën, përkundrazi ishte në mbrojtje, por Fjalimi është keqkuptuar.
“Po shumë mirë e ka pas se unë kisha pas qef edhe asnjë vërejtje unë nuk e kam ndaj Fjolla Morinës. Shkrimi im të cilin unë e kam bë është veq njerëzit që e kanë sha Fjolla Morinën, ju kam thënë ju në qoftëse keni ankesa, ankesat paraqiten te organizatori. Kurgjo apsolut une Fjolla Morinën e kam mikeshë timen private. Unë jam përgjegjës çka shkruaj nuk jam përgjegjës çfarë kuptojnë njerëzit e sidomos disa gazetarë. Qysh po dojnë po i devijojnë rastet vetëm për klikime. Unë kam thanë, kush e analizon mirë shkrimin tim, qe në qoftëse keni kritika, kritikat drejtoni te organizatori. Fjolla e ka të drejtën apsolute të Zotit edhe brekt me i hjek, nuk kam asnjë vrejtje ndaj saj. Fjollës i ju sulën pa të drejtë. Nëse mendojnë njerëzit se organizimi i koncertit ka qenë i gabueshëm është se nuk është dashtë me u ftu Fjolla ose dikush tjetër, kritikat e tyne duhet me i drejti te organizatorët e këtij koncerti.. A Fjolla shumë mirë ka thanë. Sa ka thane me mu zgjat jeta? Shtoja edhe 10 thuj, boni 20”,-është shprehur Milaim Zeka.
