Perditesuar/ Një qytetar ka humbur ndjenjat në protestën pranë Teatrit Kombëtar.
Më herët, një grup qytetarësh u përpoqën të çajnë një prej rrethimeve që ka ngritur policia rreth Teatrit. Protestuesit u zmbrapsën, duke u shprehur se nga ana e policisë u përdor gaz lotsjellës.
Ndërkohë, një prej qytetarëve humbi ndjenjat.
Të tjerë protestues i dhanë ndihmën e parë dhe i riu që më herët ishte pa ndjenja, u ngrit me vështirësi, i ndihmuar nga qytetarë të tjerë.
***
Përplasje te Teatri, qytetarët tentojnë të çajnë rrethimin policor
Sërish tensione te Teatri Kombëtar.
Një përplasje fizike është zhvilluar për disa momente mes efektivëve të policisë nga njëra anë dhe artistëve e qytetarëve nga ana tjetër, që protestojnë kundër shembjes së Teatrit. Një grup qytetaresh u përpoqen të çajnë kordonin policor për të hyrë në sheshin para Teatrit. Kjo është e disata herë që qytetarët tentojnë çarjen e kordonit policor.
Policia ka rrethuar hapësirën përreth Teatrit, që parashikohet të shembet sipas ligjit të martuar në Kuvend nga mazhoranca.
https://www.facebook.com/partiademokratike/videos/2415118502146901/?notif_id=1563875104107279¬if_t=live_video_explicit
Ndërkohë, opozita ka shprehur mbështetje për Artistët. Ish-deputetë të opozitës kanë qenë pjesë e protestuesve që janë vendosur te Teatrit Kombëtar.
Edhe Presidenti Ilir Meta ka mbajtur të njëjtin qëndrim. Më herët gjatë ditës së sotme, Meta dorëzoi sot pranë gjykatës Kushtetuese kërkesën për shpalljen antikushtetuese të ligjit për shembjen e Teatrit Kombëtar, edhe pse Gjykata Kushtetuese është tërësisht jashtë funksionit të saj dhe prej 16-muajsh.
Ditët e fundit, protesta e artistëve kanë qenë të zgjatuara, madje ata kanë qëndruar edhe natën pranë Teatrit, pasi nga ana e autoriteteve nisi zbrazja e godinës.
