“Mund të takohemi tani 5 minuta”/ Zbardhet telefonata mes Prokurorit Gent Osmani dhe Fredi Alizotit

Zbardhet telefonata mes prokurorit të çështjes “Babale”, Gentian Osmani dhe Fredi Alizotit, që ish-deputeti Ervin Salianji e dorëzoi në KPA.

Në audio-përgjim, siç deklaroi Salianji për gazetarët pas daljes nga KPA, “tregohet bashkëpunimi mes prokurorit Gent Osmani me dëshmitarin e sajuar Fredi Alizoti, për të mbuluar përfshirjen në trafikun e drogës të Agron Xhafajt, vëllai i ish-ministrit të Brendshëm Fatmir Xhafaj”.

Dorëzova një CD ku provohet se prokurori Gent Osmani ka komunikuar në mënyrë jo vetëm miqësore me Alfred Alizotin, por më pas përgjimi është fshirë. Në tentativë për t’i shpëtuar aferës së trafikut ndërkombëtar të drogës, është kaluar në një aferë të madhe të përdorimit të Prokurorisë dhe të instancave të drejtësisë për interesa personale. Duhet të hapet një hetim për shpërdorim detyre për të dy prokurorët, por kryesisht për prokurorin pa short dhe të imponuar nga politika, Gent Osmani”, deklaroi mes të tjerash Salinji.

LEXO EDHE  "Aksidentet, zgjidhja nuk vjen nga testi i idiotit..."/ Manjani: Duhet përmbysje...

Biseda Gent Osmani – Fredi Alizoti

Gent Osmani: Po

Fredi Alizoti: Përshëndetje Genti

Gent Osmani: Po

Fredi Alizoti: Fredi jam

Gent Osmani: Urdhëro

Fredi Alizoti: Fredi jam Alizoti. Si kalon?

Fredi Alizoti: Alo Genti ti je?

Gent Osmani: Po pra unë jam. Jo Genti por prokuror Genti, nuk jam shoku jot. Më thuaj.

Fredi Alizoti: A po, më fal, më fal. Ça po bën?

Gent Osmani: Fredi je thirr nesër në ora 10 të jesh tek zyrat e mia, dhe duhet të jesh patjetër me dokument identifikimi. Mirë?

Fredi Alizoti: Po, mund të takohemi tani? Po pati mudnësi 5 minuta.

Telefonata vazhdon, por siç deklaroi ish-deputeti Salianji, përgjimi është i prerë.

Lexo edheVetingu/ Argumentat pro e kundër prokurorit Gentian Osmani. KPA, vendimi më 31 Korrik