Reforma në Drejtësi/ KLP mbush boshllëqet me komandime, ja emrat në krye të prokurorive

Këshilli i Lartë i Prokurorisë diskutoi dhe vendosi sot për komandimet në detyrë në ato institucione që kanë mangësi për shkak të shkarkimit nga KPK të prokurorëve.

Kështu është miratuar me 10 vota pro projekt-vendimi për caktim të përkohshëm të prokurorit Altin Dumani si drejtues në Prokurorinë pranë Gjykatës së Apelit të Krimeve të Rënda.

Po me 10 vota pro është miratuar caktimi i Isa Jata si prokuror në Prokurorinë e Gjykatës së Apelit të Krimeve të Rënda.

LEXO EDHE  Horror në Sarandë/ E kafshoi qeni, mjekët i presin krahun. I moshuari në gjendje kritike...

Gjithashtu, Julian Çafka është caktuar të drejtojë Prokurorinë e Gjirokastrës, me një mandate 3 mujor si drejtues i saj.

Prokuroria e Apelit në Korccë do të drejtohet nga Rozeta Qirjaçi, ndërsa Irena Çunoti është caktuar si prokurore në këtë prokurori.

Por mandati i këtyre prokurorëve do të jetë i përkohshëm.

Ndërkohë KLP shqyrton edhe kërkesën për caktimin në detyrë të prokurores Edlira Bako dhe Pranvera Gruda.