Gjykata Themelore në Gjakovë ka vendosur te lere ne paraburgim të dyshuarin L.H., pasi ai para katër ditësh ka perdhunuar shtetasen me inicalet H.M. Ngjarja ka ndodhur me datën 18 korrik në Shkukëz të Gjakovës, ku i dyshuari L.H. e ka detyruar të dëmtuarën H.M. të kryejë marrëdhënie seksuale pa dëshirën e saj.
Gazeta Express mëson se i dyshuari është 27 vjeç, ndërsa viktima është 19-vjeçare.
I dyshuari e ka filmuar viktimën gjatë aktit dhe e ka kërcënuar se nëse e lajmëron rastin në polici do ta publikojë videon.
“Me këtë veprime i pandehuri, dyshohet të ketë kryer veprën penale ‘Dhunimi”, vepër e sanksionuar me Kodin Penal të Republikës së Kosovës (KPRK). I pandehuri do të mbahet në paraburgim në kohëzgjatje prej një (1) muaj, i cili do të llogaritet nga data 18 korrik 2019 dhe do të zgjasë deri më 17 gusht 2019”, thuhet në komunikatën e Gjykatës.
