Në ngjarjen e ndodhur para 3 viteve, vajza e cila mbeti viktimë e një dhunimi seksual, ishte ende një minorene. Sot, gjykata e Riminit në Itali, ku u zhvilluan ngjarjet, ka dënuar me 4 vite burgim shqiptarin.
Ngjarja – Ngjarja asokohe bëri bujë në mediat italiane. Nënës së vajzës i bie në dorë një video në të cilën duket vajza e saj e dehur në tualetin e një diskoteke, ndërkohë që para saj është një burrë me pantallonat e zbërthyera.
Siç raportojnë mediat italiane, një skenë e tillë padyshim që ka bërë që nëna e vajzës ta denoncoje menjëherë djalin pasi ka debatuar me të bijën lidhur me ngjarjen e asaj nate.
Videoja ishte xhiruar nga shoqet me të cilat kishte dalë e bija atë natë. 21-vjeçari nuk e pranoi kurrë fajin duke u shfajësuar me pretekstin se ai nuk ka dashur kurrë t’i bëjë keq. Madje, ai ka rrëfyer se ka ndjenjat të forta për vajzën dhe se nuk ka guxuar asnjëherë ta dehë me pije alkoolike.
Edhe pse prokuroria kërkoi 8 vite heqje lire, shqiptari u dënua nga gjykata me 4 vite heqje lirie. /BN/