Një shqiptar dhe një italian mbetën të plagosur si pasojë e një sherri me thika në qytezën e Materas në Italinë Jugore.
Siç raportuan këtë të enjte mediat lokale, ngjarja ka ndodhur përpara ambienteve të një restoranti të njohur në atë zonë, të quajtur ‘Tre Cancelli’.
Të plagosurit u u përplasën me një grup personash. Gjatë sherrit, ata u qëlluan me thikë, ndërkohë që sulmuesit ia mbathën nga vendi i ngjarjes. Të plagosurit janë jashtë rrezikut për jetën, ndërkohë që në vendngjarje shkoi edhe një patrullë e policisë lokale dhe një e Komisariatit të Anzios, për të zhvilluar më tej hetimet për këtë ngjarje.
Nuk dihen ende shkaqet që çuan në këtë përplasje fizike. /BN/