Identifikohet dhe shpallet në kërkim personi që qëlloi me armë zjarri gjatë një konflikti të djeshëm në zonën e Laprakës në Tiranë
Ngjarja – Policia njoftoi se “rreth orës 23:10, në rrugën ‘Lord Bajron’ ka patur një konfliktit të çastit mes shtetasit M.J. dhe një shtetasi të paidentifikuar, i cili ka qëlluar një herë me armë zjarri pistoletë pa shkaktuar pasoja”.
Nga tërësia e veprimeve hetimore të kryera nga grupi hetimor, u bë i mundur identifikimi i personit që ka përdorur armën e zjarrit, konkretisht shtetasi A.S., 27 vjeç, banues në Tiranë, i dënuar më parë për veprën penale ‘Mbajtja pa leje e armëve luftarake dhe municioneve’, shtuan të njëjtat burime.
“Ky i fundit u shpall në kërkim dhe po vijon puna për kapjen e tij. Po nga tërësia e veprimeve u gjet dhe u sekuestrua edhe automjeti në pronësi të shtetasit A.S.. Materialet iu referuan Prokurorisë pranë Gjykatës së Shkallës së Parë Tiranë për veprime të mëtejshme”, thuhet në njoftimi paraprak të policisë. /BN/