Prokuroria ka ngritur akuzën e ngacmimit seksual dhe heqjes së paligjshme të lirisë në ngarkim të 16-vjeçarit, të arrestuar për ngjarjen në Durrës.
Nën hetim në gjendje të lirë është edhe një 13-vjeçar, akuza ndaj të cilit nuk përcaktohet në njoftimin zyrtar që jep policia e Durrësit.
“Më datë 05.07.2019, Specialistët për Hetimin dhe Parandalimin e Krimeve në Komisariatin e Policisë Durrës në zbatim të urdhërit të Prokurorit, ndaluan 16-vjecarin A.R., pasi ky shtetas dyshohet të ketë kryer veprat penale të parashikuara nga nenet 108/a/2 dhe 110/2 të Kodit Penal. Gjithashtu filloi procedimi penal në gjendje të lirë për shtetasin N.K., 13 vjeç. Për arsye hetimi nuk mund të bëjmë me dije të dhëna të tjera”, shprehet Policia në një njoftim paraprak lidhur me ngjarjen.
16-vjeçari i arrestuar A.R., akuzohet për veprën penale ngacmim seksual, që sipas Kodit Penal parashikon që “kur kjo vepër kryhet në bashkëpunim, kundër disa personave, më shumë se një herë, ose kundër fëmijëve, dënohet me burgim nga tre deri në shtatë vjet”. Akuza tjetër që rendon ndaj tij është “Heqja e paligjshme e lirisë”, që sipas Kodit Penal parashikon që “kur kjo vepër shoqërohet me vuajtje të rënda fizike, kryhet në bashkëpunim, kundër disa personave ose më shumë se një herë, dënohet me burgim nga tre gjer në shtatë vjet”.
Sipas burimeve: ngjarja është regjistruar rreth dy javë më parë, në ambientet e shkollës 9-vjeçare “Myslim Hida”, në zonën e Arapajt në Durrës. Abuzuesit ka qenë 2 djem të moshës adoleshentë ndërsa edhe vajza 8 vjeçe edhe agresorët janë banorë të kësaj zone. Mësohet se djemtë e kanë manë marrë dhe e kanë lidhur të miturën në katin e katër të kësaj shkolle, dhe më pas e kanë ngacmuar seksualisht me forcë. Vajza është gjetur nga mësuesit e shkollës, e lidhur, ndërsa më pas është zbuluar dhe ndodhia e rëndë. Ngjarja e cila ka ndodhur dy javë më parë, është mbajtur e fshehtë nga Policia e Durrësit, që ka dhënë informacion zyrtar vetëm këtë të premte, pas raportimit në media. /BN/