85-vjeçarja rrëzohet në rrugë dhe vdes/ Policia thirrje familjarëve për të identifikuar kufomën

Një grua e moshuar ka humbur jetën mbrëmjen e sotme, pasi është rrëzuar në rrugë. Ngjarja ka ndodhur tek Komuna e Parisit, ku sipas policisë, e moshuara është dërguar menjëherë në spital pas ngjarjes, por nuk ka mundur të shpëtojë.

Ndërkohë policia jep dhe të dhënat e të moshuarës e cila mund të jetë rreth moshës 85-vjeç, ndërsa bën apel që personat që e njohin ta identifikojnë.

Ja njoftimi i policisë:

Më datë 19.08.2019, në rrugën “Komuna e Parisit”, një shtetase e moshuar rreth 85 vjeçe, është rrëzuar vetë në rrugë e cila u dërgua menjëherë me autoambulancë pranë Spitalit të traumës në gjendje të rëndë shëndetsore si shkak i dëmtimeve të marra nga rënia përdhe e cila rreth orës 20:30, ka ndërruar jetë.

Është , rreth  85 vjeç, me flokë të prera mesatarisht dhe  të thinjura, dhe ka një shall me ngjyra të hedhur mbi supe me ornamente, kryesisht me ngjyra të zeze, bezhë, dhe kafe.

Grupi hetimor po vijon punën për sqarimin e mëtejshëm të rrethanave të ngjarjes dhe identifikimin e të moshuarës pasi deri në këto momente nuk është paraqitur në morgun e spitalit ndonjë familjar i saj.

Ju lutemi qytetarëve të informojnë në nr 112.

LEXO EDHE  I vënë zjarrin arave, djegin edhe rrjetin elektrik