Nga Boldnews.al
Pesë orë ka zgjatur mbledhja e Kryesisë së Partisë Socialiste që më shumë se diskutimi thelbësore, ishin mologje të kryeministrit dhe në mbështetje nga pjesë tjetër e anëtarëve të kryesisë.
Aty është folur për “fitore të madhe” të 30 qershorit dhe është kërkuar me ngulm nga kreu i qeverisë që të nisi puna për të marrë në duar të gjithë bashkitë e vendit, pavarësisht se nuk kishte garë. Madje, ajo datë dhe ai rezultat është kërkuar nga Rama që të konsiderohet sukses. Për këtë është urdhëruar që pjesa propagandistike të vijojë të trumbetojë me të madhe se ato ishin “zgjedhje të lira dhe ndershme”, duke i vënë theksin që të mos ketë asnjë zë ndryshe brenda partisë.
Në fakt, nuk ishin pesë orë diskutim, por pesë orë vendime për të mbajtur pushtetin me çdo kusht dhe çmimim, cilido qoftë ai. Më e rëndësishme është konsideruar pjesa që kryebashkiakët e rinj të gjithë të PS-së të dalë nga procesi i votimeve moniste të 30 qershorit të mbështeten dhe sidomos bashkitë që deri më tani drejtohen nga të djathtët të hidhet para e madhe për të investuar, në mënyrë që të jepet ideja se vetëm PS sjell ndryshimin e madh…
Por gjithashtu edhe lexuar edhe vota masive kundër, veçanërisht ato të pavlefshme, nga ku për një pjesë të anëtarëve të Kryesisë së PS-së është konsideruar si “shuplakë” ndaj qeverisë, por kjo nuk është pranuar nga kryeministri, i cili gjithashtu ka udhëzuar të tijët që ky fakt të mos diskutohet në asnjë rrethanë.
“Kemi dakordësuar të gjithë që është shumë e rëndësishme të ngremë në një nivel të ri dialogun me qytetarët, sipërmarrjen me njerëzit e zakonshëm në cdo sektor, pavarësisht bindjeve dhe përkatësive politike. Dialogun e brendshëm në parti, që do të nisë intensivisht, dialogun me opozitën parlamanetare dhe atë jashtë parlamentare. Jemi abosolutisht të disponueshëm për t’u ulur në tryezë me të gjithë, për të diskutuar për sfidat e vendit, dhe për c’ka është e rëndësishme në funksion të rregullave të lojës”– tha Rama, pas daljes nga mbledhja dhe çuditërisht u tregua i “dashur” me gazetarët, duke iu përgjigjur çdo pyetje.
Por nga kjo “dashuri e shtirur”, dha një mesazh të artikuluar butë, por që tregon se praktikisht vendi është në një “sistem Kryeministror”, kur u shpreh se: “Kemi detyrim të forcojnë kulturën e ligjit dhe jemi shumicë që kemi detyrimin të mbajmë me nder e dinjitet një mandat për të qeverisur deri në 2021”.
Duke theksuar vitin 2021, kryeministri praktikisht refuzon çdo negociatë politike, duke vijuar me pushtetin absolut e mbi të gjitha tashmë e ka kthyer vendin në komunizëm, pa zgjedhje, pa institucione të pavarura dhe pa shpresë se diçka mund të ndryshojë në të ardhmen.
