Saimir Tahiri iu kundërvu keq Prokurorisë së Krimeve të Rënda, e cila sipas tij nuk është në gjendje të ruaj provat dhe për pasojë gjyqi ndaj tij është shtyrë tre herë radhazi. Për Tahirin është e patolerueshme gjendja që tregon akuza dhe se ai nuk mund të kuptojë dot faktin sesi një organ akuze katandiset deri në këtë farë feje.
Madje Tahiri deklaroi se kur organet e drejtësisë sillen me të në këtë mënyrë, vaj halli për qytetarët e thjeshtë.
Pas kësaj deklarate të bërë nga Tahiri, reagoi edhe ish-ministri Ylli Manjani. Në një postim në rrjetet sociale, Manjani i kujton Tahirit faktin se prapa hekurave me ose pa prova ndodhen shumë persona që policia dhe prokuroria akuzojnë për vepra të ndryshme penale.
Manjani i shtron disa pyetje Tahirit ….
Postimi i plotë
Sajmiri ka shumë të drejtë kur pyet se “…. çfarë prokurorie është kjo që pa prova ka kërkuar arrestimin e tij”?!
Pa dyshim që ka të drejtë!
Por, nga ana tjetër e drejta duhet të jetë e plotë dhe e barabartë për të gjithë.
Dhe pyetja tjetër është:
Po ata të arrestuar pa prova që si njeh e as i mbron njeri, pse arrestohen?!!
Po ata të tjerë që u arrestuan e arrestohen direkt nga policia, madje eehepa vendim gjykate, vetëm se protestojnë e flasin kundër qeverisë?!
E përsëris, nuk kam qenë e as jam përkrahës e mbështetës i asnjë arrestimi apo mase sigurie ndaj askujt ndaj të cilit nuk ka një akuzë zyrtare për një krim të rëndë dhe të provuar me qoftë edhe një provë direkte!!!
Arresti me burg është mjeti i fundit i sigurisë, që do të thotë se shteti e zbaton vetëm në masa ekstreme dhe ndaj personave realisht të rrezikshëm për shoqërinë.
Zbatimi i kësaj mase, në mënyre rutinë nga drejtësia, aq më tepër kur urshërohet politikisht, e ka bërë arrestin jo më masë sigurie, por de fakto denim pa gjyq!
Kjo është e papranushme! Asnjë standard nuk e justifikon këtë sjellje.
Ju siguroj që edhe udhëzimet e Plenumit të Gjykatës së Lartë kur drejtohej nga Aranit Çela, kërkonin që për çdo masë arresti duhej të kishte të paktën një provë direkte dhe një indirekte…
Ndaj unë jam plotësisht dakort me deklarimin e Sajmirit sot dhe, njëkohësisht i keqardhur që nuk u morëm dot vesh që këtë ligj ta rregullonim njëherë e mirë e për të gjithë njësoj!
Asnjëherë nuk është vonë…
