Ataku kardiak dhe cerebral përbëjnë rastet më të shpeshta të numrit të vdekjeve në vendet e Bashkimit Evropian, thuhet në raportin e Agjencisë Europiane të Statistikave (EUROSTAT).
Raporti i fundit thekson se në vitin 2016 në BE kanë vdekur 5,1 milionë njerëz.
Më tej, thuhet se 33% e rasteve janë më të rinj se 75 vjeç, 29% të grupmoshës nga 75 deri 85 vjeç dhe 38% mbi 85 vjeç.
Sipas raportit të fundit, 5% e vdekjeve janë nga aksidentet rrugore dhe faktorë të tjerë.
Numri më i madh i rasteve të vdekjes u regjistrua në Bullgari, pasuar nga Letonia, Rumania, Lituania dhe Hungaria.
Ndërkaq përqindja më e ulët e vdekshmërisë u regjistrua në Spanjë, Francë, Itali, Maltë dhe Luksemburg.
