Ish-ministrja e Mbrojtjes në qeverinë Rama, Mimi Kodheli, nuk ka përjashtuar mundësinë për zgjedhje të parakohshme.
Në emisionin “5 pyetjet”, Kodheli tha se nëse do ketë zgjedhje të parakohshme do vijnë nga negociatat përmes palëve.
Ajo shtoi se negociata për çështje kardinale nuk duhet të përjashtohen.
Ndërkohë, vetë kryeministri Edi Rama ka mohuar mundësinë e zgjedhjeve të parakohshme. Në një prononcimin për gazetarët pas mbledhjes së kryesisë të PS këtë të hënë, ai tha se zgjedhjet parlamentare do të zhvillohen në 2021-in.
